თბილისში, სანაპიროს ქუჩაზე მდებარე იუსტიციის სახლიდან მოქალაქეების ევაკუაცია განხორციელდა.
ამ დროისთვის იუსტიციის სახლის მიმდებარე პერიმეტრი და შენობაში შესასვლელები პოლიციას აქვს გადაკეტილი.
როგორც იუსტიციის სახლის თანამშრომლები აცხადებენ, შენობაში განგაშის სიგნალი ჩაირთო, რის შემდეგაც დაცვამ შენობის დაუყოვნებლივ დატოვება მოითხოვა.
დეტალები ამის შესახებ ჯერ-ჯერობით უცნობია. ინფორმაციას საზოგადოებრივი მაუწყებელი ავრცელებს.
