როდესაც კაფეში ან რესტორანში სტუმრობას ვგეგმავთ, იმედები გვაქვს, რომ საკვები, რომელსაც მოვიხმართ, ჩვენი ჯანმრთელობისთვის საზიანო არ იქნება.
ნინოწმინდაში დღეთოდღე კვების ობიექტების რაოდენობა იზრდება, იქნება ეს რესტორნები, კაფეები, საშაურმეები თუ სასურსათო მაღაზიები. ჩვენ ვიკითხეთ მოსახლეობის აზრი, რათა გაგვერკვია, თუ რამდენად კმაყოფილია ნინოწმინდის რიგითი მომხმარებელი მაღაზიების და რესტორნების სისუფთავით და რამდენად კომფორტულად გრძნობენ ისინი თავს კაფეში ყოფნისას ან სასურსათო მაღაზიაში საყიდლების დროს.
ნინოწმინდის ერთ-ერთი მცხოვრების თქმით (სახელი და გვარი არ არის ნახსენები რესპონდენტის თხოვნით):
“რიგ სასურსათო მაღაზიაში არ არის დაცული სანიტარული ნორმები, მაცივრებში გაყინული ხორცპროდუქტები საშინელ მდგომარეობაშია, ასევე ზოგ მაღაზიაში გაყინულ ხორცთან ერთად მაცივარში ყრია სხვა შეუსაბამო პროდუქტები, მაგალითად, თევზთან ერთად ალაგია ნაყინი, კარაქი, – ყველაფერს ერთად ყინავენ, ნაკლები ხარჯის გულისთვის.”
რატომაა მნიშვნელოვანი სანიტარული შემოწმებები?
- მომხმარებელთა ჯანმრთელობის დაცვა: სანიტარული ნორმებისა და სტანდარტების დაცვა ხელს უწყობს ინფექციებისა და დაავადებების საკვების საშუალებით გადაცემის თავიდან აცილებას. ეს განსაკუთრებით მნიშვნელოვანია იმის გათვალისწინებით, რომ საკვებით მოწამვლა შეიძლება იყოს სერიოზული და ფატალურიც კი.
- პროდუქციის ხარისხის შენარჩუნება: სანიტარული სტანდარტების დაცვა ასევე ხელს უწყობს პროდუქციის ხარისხის შენარჩუნებას. ეს მნიშვნელოვანია პროდუქციის გაფუჭების თავიდან ასაცილებლად, ასევე მათი სიახლისა და გემოვნების უზრუნველსაყოფად.
- მომხმარებელთა ნდობა: კვების ობიექტები, რომლებიც რეგულარულად გადიან სანიტარიულ შემოწმებას და შეესაბამება სტანდარტებს, ენდობიან მომხმარებლებს. ეს ხელს უწყობს მომხმარებელთა ბაზის გაზრდას და კარგი რეპუტაციის შექმნას.
- სამართლებრივი მოთხოვნა: ბევრ ქვეყანაში, მათ შორის საქართველოშიც, კანონები და რეგულაციები მოითხოვს კვების ობიექტებს სანიტარული ინსპექტირების გავლას. ამ მოთხოვნების შეუსრულებლობამ შეიძლება გამოიწვიოს დაწესებულების დახურვა და სამართლებრივი შედეგებიც კი.
იმაზე პასუხის გასაგებად, თუ რა სიხშირით ტარდება ნინოწმინდაში სანიტარული შემოწმებები, ჩვენ მივმართეთ ნინოწმინდის სანეპიდის ხელმძღვანელს, ტიგრან ეღოიანს. მისი თქმით, ნინოწმინაში წელიწადში ოთხჯერ ტარდება სანიტარული შემოწმებები კვების ობიექტებში და ყველფერი რიგზეა. ვრცლად ჩვენს აუდიოინტერვიუში ტიგრან ეღოიანთან:
აღსანიშნავია, რომ კვების ობიექტების სანიტარული ინსპექტირება არ არის მხოლოდ ფორმალობა, არამედ განუყოფელი ნაწილია იმ საკვების უსაფრთხოებისა და ხარისხის უზრუნველსაყოფად, რომელსაც ჩვენ ვხმარობთ. ეს შემოწმებები მნიშვნელოვან როლს ასრულებს მომხმარებელთა ჯანმრთელობის დაცვაში, ხარისხის სტანდარტებისა და საზოგადოების ნდობის შენარჩუნებაში.
