“თეთრი სახლის [მერიის] თანამშრომლების ანაზღაურების ნახევარი” – რა პენსია სურთ ნინოწმინდაში? / გამოკითხვა

საპენსიო უზრუნველყოფის პრობლემა ყოველთვის აქტუალური იყო, განსაკუთრებით პატარა ქალაქებსა და სოფლებში. ნინოწმინდაში, ისევე როგორც სხვა რეგიონებში, პენსიონერებს უჭირთ ძირითადი საჭიროებების დაკმაყოფილება.

ნინოწმინდაში პენსიონერები აღნიშნავენ, რომ მაღალმთიანი რეგიონისა და შედარებით მაღალი პენსიების მიუხედავად, მიღებული თანხა უზრუნველყოფილი ცხოვრებისთვის მაინც არ არის საკმარისი.

რადიო NOR-მა ჩაატარა გამოკითხვა, რათა გაერკვია მოსახლეობის აზრი და სასურველი მინიმალური საპენსიო თანხა პენსიონერების ძირითადი საჭიროებების დასაკმაყოფილებლად, როგორიცაა მედიკამენტების ყიდვა, კომუნალური მომსახურების გადახდა, საკვების, საყოფაცხოვრებო ნივთების ყიდვა და ა.შ.

როგორც პენსიონერები და სხვა მაცხოვრებლები აღნიშნავენ, პენსიონერების ძირითადი საჭიროებების დასაკმაყოფილებლად, მიღებული პენსიის ოდენობა უნდა იყოს მინიმუმ 1 000 ლარი, მაგრამ მიუხედავად იმისა, რომ პენსია იზრდება, ძვირდება პროდუქტებიც, რაც პენსიის ზრდას არარელევანტურს ხდის.

აღსანიშნავია, რომ მაღალმთიანეთში მცხოვრების სტატუსის მქონე პენსიონერები 70 წლამდე 378 ლარს, ხოლო 70 წელს გადაცილებულ 498 ლარს იღებენ. 70 წლამდე ასაკის პენსიონერები, რომლებიც მაღალმთიან შეღავათებს არ იყენებენ, 315 ლარს იღებენ, ხოლო 70 წელზე მეტი – 415 ლარს.