დღესასწაულთან დაკავშირებით 19 – აგვისტოს ქალაქ ,ახალქალაქში მთავარანგელოზი მიქაელის სახელობის ტაძარში, ახალქალაქის, კუმურდოს და კარის მიტროპოლიტმა, ნიკოლოზმა და დეკანოზმა ალექსანდრემ სადღესასწაულო ღვთისმსახურება აღავლინეს.
ვიდეოს ავტორი, სოფიო ნიშნიანიძე.
ფერისცვალება არის მართლმადიდებლური ეკლესიის ერთ-ერთი დიდი დღესასწაული, რომელიც 19 აგვისტოს აღინიშნება. ამ დღეს იესო ქრისტეს ფერისცვალება აღინიშნება, როდესაც ის თავის სამ მოწაფესთან ერთად (პეტრე, იაკობ და იოანე) თაბორის მთაზე ავიდა და ღვთიური დიდებით გაბრწყინდა. სახარების მიხედვით, ქრისტეს სამოსელი უჩვეულოდ განათდა, ხოლო მისი სახე მზესავით ბრწყინავდა.
ამ დროს მოციქულებმა მოსე და ელია იხილეს, რომლებიც ქრისტეს ესაუბრებოდნენ. ეს მოვლენა აღიქმება, როგორც ქრისტეს ღვთიური ბუნების ხილული გამოხატულება.
ფერისცვალების დღესასწაულს ტრადიციულად ახლავს მოსავლის კურთხევის ტრადიცია, სადაც მორწმუნეები ეკლესიაში მიიტანენ სხვადასხვა ხილს (მთავარად ყურძენს), რათა იკურთხონ და მადლობა შესწირონ ღმერთს უხვი მოსავლისთვის.
