ნინოწმინდის მუნიციპალიტეტში ბოლო ზართან დაკავშირებული აჟიოტაჟი უკვე დაიწყო. მეთორმეტეკლასელები და მათი მშობლები დიდ თანხებს ხარჯავენ ბოლო ზარის გასამართად, როგორც სკოლის ეზოში, ასევე ღონისძიების შემდეგ.
ნინოწმინდის მუნიციპალიტეტის მოსახლეობასთან საუბრისას გამოვლინდა, რომ ბოლო ზარისთვის ისინი თანხას ხარჯავენ ტანსაცმელზე, ფეხსაცმელზე, ფოტო და ვიდეო გადაღებებზე, ყვავილებსა და სხვა დეკორაციებსა და აქსესუარებზე. თუმცა ამით არაფერი მთავრდება. ამის შემდეგ მოდის ბანკეტი, ექსკურსიები და ბოლო ზარის აღნიშვნა სახლში.
“ვფიქრობ, რომ ბოლო ზარი შოუა. ჩვენ უფრო მეტი ყურადღება უნდა დავუთმოთ ჩვენი შვილების აღზრდასა და განათლებას. დღესდღეობით, ჩემი აზრით, არავის აქვს ბოლო ზარის აღნიშვნის საშუალება, მაგრამ ერთმანეთს უყურებენ და მართავენ სურვილის მიუხედავად. ყველაფრის ფასი გაორმაგებულია”, – ამბობს ერთ-ერთი მკვიდრი.
კითხვაზე, თუ რატომაა აუცილებელი, რომ ადამიანმა, რომელსაც არ აქვს შესაძლებლობა, აღნიშნოს ბოლო ზარი, მეორე მოსახლემ გვიპასუხა, რომ თუ ხალხი ბოლო ზარს აღნიშნავს, მაშინ დანახარჯებიც წინასწარ გათვალისწინებული ჰქონდა როგორც შემდგომი სწავლისთვის, ასევე ბოლო ზარისთვის.
ერთ-ერთი მკვიდრის თქმით, კი ღონისძიება ბავშვების გამო უნდა ჩატარდეს.
უფრო დეტალურად ჩვენს აუდიო მასალაში.
