საწვავის ფასები ნინოწმინდაში ცვლილებებს განიცდის

საწვავის ფასები ნინოწმინდაში ცვლილებებს განიცდის

2022 წლის დასაწყისში საწვავის ფასების მკვეთრ ზრდას ვაკვირდებოდით, რაც ექსპერტების აზრით იყო გამოწვეული იყო ერთი მხრივ, ომის ფონზე მსოფლიოს მასშტაბით ნავთობის ფასის ზრდა, მეორე მხრივ კი, შავ ზღვაში ომის გამო საზღვაო გადაზიდვების გაძვირება.

ბოლო მონაცემებით საერთაშორისო ბაზარზე Brent ტიპის ნავთობის ფასია 109.34 დოლარი ერთ ბარელზე, ხოლო Light Sweet ტიპის ნავთობი 104.69 დოლარი ბარელზე.

ნინოწმინდაში საავტომობილო საწვავს ბენზინგასამართ სადგურებზე სხვადასხვა ფასები აქვთ:

  • პრემიუმი – 3.90 ლარიდან 4 ლარამდე
  • ევრო რეგულარი – 3.57 ლარიდან 3.80 ლარამდე
  • დიზელი – 4.02 ლარიდან 4.20 ლარამდე
  • ევრო დიზელი – 4.35 ლარიდან 4.44 ლარამდე

ამას წინათ პრემიერ მინისტრმა, ირაკლი ღარიბაშვილმა განაცხადა, რომ კონკურენციის სააგენტო საწვავის ფასების კუთხით ბაზარზე არსებულ ვითარებას დააკვირდება და ანგარიშს ეკონომიკურ საბჭოს 15 მაისამდე წარუდგენს. გუშინ კი სააგენტოს თავმჯდომარემ მონიტორინგის შედეგებზე პარლამენტში, კომიტეტის სხდომაზე ისაუბრა.

როგორც ირაკლი ლექვინაძემ განმარტა, ბევრ კომპანიას მიმდინარე წლის აპრილში შეეძლო მომხმარებლისთვის საწვავი დაბალი ფასით მიეწოდებინა, თუმცა ეს არ გააკეთეს.

“აპრილის დასაწყისიდან და მარტის ბოლოდან საქართველოში შემოდინება იმპორტის სახით გაიაფებულმა საწვავმა დაიწყო. ეს ასახეს მცირე ბრენდულმა ქსელებმა და საწვავის ფასი დაახლოებით 3.24 – 3.30 ლარის ფარგლებში იყო, (რეგულარის მაგალითი რომ მოვიყვანოთ), მაშინ როდესაც მსხვილ ქსელებში აღნიშნული პროდუქტი 60-70 თეთრით უფრო ძვირად იყიდებოდა.” – განაცხადა ირაკლი ლექვინაძემ.

როგორ დგინდება საწვავის ფასი საქართველოში?

ფორმულა, რომლითაც სახელმწიფოსთვის მისაწოდებელი ნავთობპროდუქტების ფასი გამოითვლება, ითვალისწინებს იმ ძირითად ცვლადებს, რომლებსაც ფასზე აქვთ გავლენა. ესენია ლარის გაცვლითი კურსი, Platts-ის მარკის საწვავის საერთაშო­რისო ფასი, აქციზის გადასახადი, დღგ და სხვა.

კომპონენტების მიხედვით, საქართველოში საწვავის ფასი ასე ნაწილდება:

  • საწ­ვა­ვის ღი­რე­ბუ­ლე­ბა Platts – 57.6%;
  • დღგ – 15.1%;
  • აქ­ცი­ზის გა­და­სა­ხა­დი – 12.5%;
  • ხელ­ფა­სე­ბი; ტრან­ს­პორ­ტი­რე­ბა, ლო­გის­ტი­კა, მარ­კე­ტინ­გი, კომ­პა­ნი­ის მო­გე­ბის მარ­ჟა; ინ­ვეს­ტი­ცი­ე­ბი; ფი­ნან­სუ­რი ხარ­ჯე­ბი – 14.8%.

დიზელის საწვავის შემთხვევაში ის შემდეგნაირად ნაწილდება