სოფელ დიდი გონდრიოს უფროსი თაობა ყველა არსებულ პრობლემას შორის ერთ-ერთ მნიშვნელოვანს გამოყოფს – ადგილის არარსებობას, სადაც შეკრება და თავისუფალი დროს გატარება იქნებოდა შესაძლებელი.
ხალხი, ვისაც დაველაპარაკეთ სოფელში, აღნიშნავს, რომ პრობლემების უმეტესობა, რომლებიც ოდესღაც არსებობდა სოფელში, ახლა ან სრულად არის მოგვარებული, ან ნაწილობრივაა გადაჭრილი. მოგვარებულია სარწყავი სისტემის საკითხები, გზების მდგომარეობაა გაუმჯობესებული, საბავშვო ბაღისა და სტადიონის. ახლა ხალხს უნდა ადგილი, სადაც ისინი შეძლებენ შეკრებას და თავისუფალი დროის გატარება.
ასეთი ადგილის არარსებობის გამო მოსახლეობა იძულებულია სოფლის ცენტრში, ქუჩაში შეიკრიბოს. “გვინდა, რომ სოფელში იყოს ადგილი, სადაც შევძლებთ შეხვედრას, საუბარს, ახალი ამბების განხილვას, ჭადრაკის თამაშს. ხომ ხედავთ, სად ვიკრიბებით… განსაკუთრებით ზამთარში… ვიყინებით. ვინ გვეკითხება რა გვინდა? არც კი ვიცით, გვყავს თუ არა სოფლის უფლებამოსილი”, – ამბობენ დიდი გონდრიოს მკვიდრნი.
წელს დიდ გონდრიოში სოფლის მხარდაჭერის პროგრამით პირუტყვის სასმელი წყლის აუზის გასუფთავების სამუშაოებისთვის არის გამოყოფილი 3 955 ლარი და სარწყავი სისტემის აღსადგენად 11 820 ლარი.