ბოლო დროს ფარავნის ტბაში თევზის დახოცვის ფაქტი ფიქსირდება. სოფელ ფოკის მცხოვრებლების აზრით ეს დაკავშირებულია წყალმცენარეებთან, რომლებიც ტბაში წელიწადის ამ დროს ჩნდება.
დღეს რადიო NOR-მა სოფელ ფოკის ერთ-ერთი მკვიდრისგან გაიგო, რომ ამ დროისთვის თევზი აღარ იხოცება, თუმცა წყალმცენარეების პრობლემა მაინც აქტუალურია.
ლურჯ-მწვანე წყალმცენარეები არის ერთუჯრედიანი (პლანქტონური), მიკროსკოპული მცენარეები, რომლებიც ფესვიანდება ნებისმიერ წყალში. მათი სიჭარბე შეიძლება წყალსაცავი ჭაობად გადააქციოს.
ლურჯ-მწვანე წყალმცენარეები აზოტის დამამყარებელი ორგანიზმებია და მათი სიცოცხლისთვის აუცილებელია აზოტი, ასევე ნახშირორჟანგი – ნივთიერებები, რომლებიც ძალიან გავრცელებულია წყალსაცავების უმეტესობაში. ყვავილობისას ლურჯ-მწვანე წყალმცენარეები ქმნიან მკვრივ მასებს წყლის ზედაპირზე და შეუძლიათ დაფარონ მთელი ზედაპირი.
წყალმცენარეების გადაჭარბებული ზრდა ასევე ზღუდავს მზის შუქის შეღწევას წყალში, რამაც შეიძლება გამოიწვიოს წყლის მნიშვნელოვანი თერმული სტრატიფიკაცია. წყალი, რომელიც არ იღებს მზის შუქს და სითბოს, კლებულობს და უფრო მკვრივი ხდება. წყალში ჟანგბადის კონცენტრაცია მცირდება, რადგან ის არ შედის კონტაქტში ჰაერთან.
შედეგად ირღვევა წყალსაცავის ბიოლოგიური პროცესები, იცვლება წყლის ეკოსისტემა, თევზი შხამიანი ხდება ან კვდება, ნადგურდება არაერთი სასარგებლო მიკრობები და ვითარდება პარაზიტები.
