როგორ მიმდინარეობს სკოლებში ბილინგვური მეთოდით სწავლება?

ქართული ენის სწავლება ეთნიკურ უმცირესობებში დღეთიღე უფრო აქტიურად მომდინარეობს. 2023 წელს ნინოწმინდის მუნიციპალიტეტის არაქართულენოვან სკოლებში ბილინგური სწავლების მეთოდი დაინერგა.

მიმდინარე განათლების რეფორმების ფარგლებში, ეროვნული უმცირესობების სკოლებში ეროვნული სასწავლო გეგმის დანერგვის შედეგად დაინერგა ბილინგვური მეთოდი. ბილინგვური სასწავლო პროცესის დანერგვა მხოლოდ დაწყებით საფეხურზე ჩატარდა (2-4 კლასები), შესაბამის საგნებში: ხელოვნება, ბუნებისმეტყველება, მე და საზოგადოება, ჩვენი საქართველო, მათემატიკა.

იმის გასარკვევად, თუ როგორ ტარდება ბილინგვური სახის გაკვეთილები სკოლაში და რა მიზნები აქვს ამ მეთოდს, ჩვენ მივმართეთ ნინოწმინდის #3 საჯარო სკოლის დირექტორ, არმენუი ღარსლიანს:

“რას ნიშნავს ბილინგვური სწავლება? – ესე იგი, თითოეულ სკოლას აქვს გარკვეული საგნების ჩამონათვალი, რომლებიც უნდა ჩატარდეს ბილინგვური სწავლების მეთოდით. ეს ძირითადად დაწყებითი საფეხურის საგნებია. ჩვენს სკოლაში, მაგალითად, სამი საგანი ისწავლება ბილინგვური მეთოდით, თუმცა არის სკოლები, სადაც 5 საგანი ისწავლება. ბილინგვური სწავლება დიდი “მოგებაა” მოსწავლეებისთვის, რადგან ისინი უფრო ჩაღრმავებულად, სახელმწიფო ენაზე სწავლობენ არა მხოლოდ საგნებს, არამედ ქართულ ენასაც.

კარგი პროგრამაა, მე მომწონს. როგორც კი დაინერგა ეს მეთოდი ჩვენს სკოლაში, ჩვენ, რა თქმა უნდა, ვიკითხეთ მშობლების აზრიც. ისინიც თანახმა არიან, რომ ბავშვებმა ბილინგვური მეთოდით ისწავლონ საგნები, რომ ბავშვობიდანვე ისწავლონ ქართული ენა, ტერნიმები, და ეს ყველაფერი იმის საფუძველია, რომ შემდგომში ბავშვებმა შეძლონ ქართულის სწავლა და საქართველოს უმაღლეს დაწესებულებებში ჩაბარება არა 1+4 პროგრამით, არამედ, ქართული ენის ცოდნით, პირდაპირ 1-ლ კურსზე ჩააბარონ.”

დღეისთვის ბილინგვური სწავლება მიმდინარეობს მუნიციპალიტეტის 25 სკოლაში.