ქალაქ ნინოწმინდაში მაწანწალა ძაღლების პრობლემა კვლავ აქტუალური და მოუგვარებელია, რაც მოსახლეობის უკმაყოფილებას იწვევს. მაწანწალა ცხოველები უნდა გადარჩეს ნებისმიერი საშუალებით, რაც იწვევს მათ აგრესიულ ქცევას და საფრთხეს უქმნის სხვებს. ადგილობრივი მოსახლეობის თქმით, ძაღლები, შიმშილისგან, ფრინველსაც კი ესხმიან თავს.
განსაკუთრებით ბევრი მაწანწალა ძაღლი შეგიძლიათ ნახოთ სპანდარიანის ქუჩაზე, სადაც მდებარეობს #1 სკოლა, სადაც ბევრი ბავშვი დადის. მშობლები შეშფოთებას და შიშს გამოხატავენ, ეშინიათ შვილების უყურადღებოდ დატოვების.
მაწანწალა ძაღლების რაოდენობა ისევ და ისევ იზრდება იმის გამო, რომ, როგორც მოსახლეობა ამბობს, მფლობელები “აგდებენ” პატარა ლეკვებს ან ზრდასრულ ძაღლებს.
მიუხედავად საქართველოს კანონმდებლობით დადგენილი ცხოველთა სისასტიკის აკრძალვისა, ადგილობრივ ხელისუფლებას ამ პრობლემის მოსაგვარებლად ჯერ არ გააჩნია საკმარისი ფინანსური რესურსი.
წელს ამ საკითხის მოგვარების გეგმების გასარკვევად, მერ ანივარდ მოსოიანს მივმართეთ. მან აღნიშნა, რომ საციხე– ჯავახეთის რეგიონში არ არსებობს შესაბამისი სამსახური, რომელიც მაწანწალა ძაღლების კონტროლს ეხება. პრობლემის გადაჭრის ერთადერთი გზა არის რეგიონალური სამსახურის შექმნა, რომელსაც შეუძლია გააკონტროლოს მაწანწალა ძაღლები ექვს მუნიციპალიტეტში. ამჟამად, არსებობს ორგანიზაციები, რომლებიც ამ საკითხს ქვეყნის დონეზე განიხილავენ, მაგრამ მათი კომპეტენცია საეჭვოა და, შესაბამისად, უპირატესობა ენიჭება რეგიონალური სამსახურის შექმნას.
ნინოწმინდის მუნიციპალიტეტში 2023 წელს ნაკბენის 77 შემთხვევა დაფიქსირდა, 68 ნაკბენი იყო ძაღლის, ექვსი შემთხვევა კატის, ორი შემთხვევა მაჩვის ნაკბენისა და ერთი შემთხვევა ღორის ნაკბენის. ძაღლის ნაკბენის 68 შემთხვევიდან 20 შემთხვევა მაწანწალა ძაღლებისგან იყო, 48 შემთხვევა კი შინაური ძაღლებისგან. ცოფის ვაქცინა უფასოა. ამის შესახებ ინფორმაციას ნინოწმინდის საზოგადოებრივი ჯანდაცვის ცენტრი ავრცელებს. გაითვალისწინეთ, რომ ცოფის ვაქცინაცია აბსოლუტურად უფასოა.
