სოფელ ფარავნის პედაგოგი კარინა არაქელიანი მსოფლიო ახალგაზრდულ ფესტივალზე გაემგზავრება.
კარინა სოფელ ფარავანში (როდიონოვკა) მუშაობს სკოლაში და ასწავლის რუსულ და ინგლისურ ენებს. მონაწილეობდა სხვადასხვა საერთაშორისო პედაგოგიურ ოლიმპიადებში, სადაც ყოველთვის იმარჯვებდა.
მსოფლიო ახალგაზრდულ ფესტივალში მონაწილეობის მისაღებად 190 ქვეყნიდან 300 000-მა ადამიანმა მიმართა, მაგრამ მხოლოდ 20 000-მა გაიარა. ფესტივალის სლოგანია დავიწყოთ მომავალი ერთად!/ Starting future together”
ფესტივალის გამარჯვებული რომ გამხდარიყო, საჭირო იყო სამი ეტაპის გავლა. პირველი ეტაპი იყო პორტფელის წარდგენა, სადაც საჭირო იყო უმაღლესი განათლების, ენის ცოდნისა და პროექტებში მონაწილეობის შესახებ ყველა დოკუმენტაციის შევსება. მეორე ეტაპი არის ესეს წერა თემაზე “რა არის ფესტივალი და რა როლს ასრულებს ის ჩვენს ცხოვრებაში?” მესამე ეტაპი იყო ვიდეო ბარათის შექმნა, რომელშიც წუთში სამი კითხვაზე უნდა ეპასუხა: ორი ქვეყნის პერსპექტივები; უნარები, შესაძლებლობები და ცოდნა; რუსი ან სხვა ავტორის წიგნი, რომელმაც შთაბეჭდილება მოახდინა. კარინამ წარმატებით გაიარა სამივე ეტაპი და მიიღო მოწვევა ფესტივალზე.
“ბევრი ჩვენი თანამემამულე საქართველოს სხვადასხვა კუთხიდან, რომლებიც ასევე გამარჯვებულები არიან, ჩემთან ერთად გაემგზავრებიან ფესტივალზე. ჩემი დევიზი ცხოვრებაში არის რთულ სიტუაციებში მყოფი ადამიანების დახმარება, ყველას ტოლერანტობითა და მოწყალებით მოპყრობა. ყოველთვის ადამიანად დარჩენა, რაც არ უნდა იყოს”, – ამბობს კარინა.
ფესტივალი გაიმართება რუსეთის ტერიტორიაზე ქალაქ სოჩიში, სირიუსის საგანმანათლებლო ცენტრში 1 მარტიდან 7 მარტამდე. მოგზაურობა, ბილეთები, საცხოვრებელი და კვება გადახდილია.
კარინე არაქელიანმა ასევე მიიღო მონაწილეობა იმანუელ კანტის უნივერსიტეტის საერთაშორისო ოლიმპიადაში.
