17 მარტს ბორჯომში სასკოლო სპორტული ოლიმპიადის ფარგლებში საკალათბურთო ტურნირის მე-2 ტური დაიწყო.
ნინოწმინდის მუნიციპალიტეტის ოროჯალარის სკოლის გოგონათა და ვაჟთა გუნდები გამოვიდნენ.
მწვრთნელმა აშოტ სოღოიანმა რადიოს განუცხადა: “სამწუხაროდ, ჩვენმა გუნდმა ცუდად ითამაშა, – წავაგეთ. თუმცა, ეს ყველაფერი დიდი გამოცდილებაა ჩვენი შვილებისთვის, რათა მათ მომავალში უკეთესად ითანაშონ.”
აღსანიშნავია, რომ ჩემპიონატში ახალციხის, ახალქალაქის, ასპინძისა და ნინოწმინდის გუნდები მონაწილეობდნენ.
შეგახსენებთ, რომ 2023 წლის 6 ნოემბერს, ოროჯალარის სპორტულ დარბაზში კალათბურთის ტურნირის პირველი ტური გაიმართა. ამ ტურნირზე, ოროჯალარის გუნდები აღიარეს გამარჯვებულებად როგორც ვაჟთა, ისე გოგოების გუნდი.
