საქართველოში ამინდის გაუარესების მიუხედავად, ნინოწმინდის მუნიციპალიტეტის სოფლებისკენ მიმავალი ძირითადი გზები ჩაკეტილი არ არის. როგორც რადიო NOR-თან საუბრისას ნინოწმინდის მერიის მოადგილემ, არმენ ბდოიანმა აღნიშნა.
-“დილით შეტყობინება შემოვიდა სოფელ სამებიდან და სოფელ ეფრემოვკიდან, რომ გზები ჩაკეტილი იყო. ადგილზე გაგზავნილმა ტექნიკამ გზები გაწმინდა, და ამომენტისთვის მოძრაობა შეუფერხებლად არის შესაძლებელი.”
შეგახსენებთ,რომ სსიპ გარემოს ეროვნული სააგენტოს ინფორმაციით 
19 – 21 თებერვალს საქართველოში მოსალოდნელია ნალექი, უმეტესად თოვლის სახით, ზოგან ძლიერი, მთაში და მაღალმთაში ზოგან ნისლი, ქარბუქი და ზვავსაშიშროება, საავტომობილო გზებზე ლიპყინული, ელექტროგადამცემ ხაზებზე შემოყინულობა.
19 – 21 თებერვალს საქართველოში მოსალოდნელია ნალექი, უმეტესად თოვლის სახით, ზოგან ძლიერი, მთაში და მაღალმთაში ზოგან ნისლი, ქარბუქი და ზვავსაშიშროება, საავტომობილო გზებზე ლიპყინული, ელექტროგადამცემ ხაზებზე შემოყინულობა.
დიდთოვლობის, ხილვადობის გაუარესების, ქარბუქის, ლიპყინულის და ზვავსაშიშროების გამო საავტომობილო გზების ცალკეულ მონაკვეთებზე შესაძლებელია შეიზღუდოს ტრანსპორტის მოძრაობა. (საფრთხის დონე საშუალო).
