2025 წლის 18 მაისს, თბილისში გამართულ სიმღერის საერთაშორისო საქველმოქმედო სატელევიზიო ფესტივალ-კონკურსში „სამაისო ჰანგები“, ნინოწმინდის მუნიციპალიტეტის ანსამბლმა „საიათ-ნოვამ“ წარმატებული გამოსვლა მოაწყო.
ფესტივალში მონაწილეობა 7-მა მოსწავლემ მიიღო. მათ შორის, ლუსინე ეღოიანმა და ვერონიკა ეღოიანმა პირველი ადგილი დაიკავეს. დანარჩენმა მონაწილეებმა, რომლებიც ანსამბლის როგორც ახალი, ისე ძველი წევრები არიან, მესამე ადგილი მოიპოვეს. კონკურსის ორგანიზატორებმა გამარჯვებულებს სიგელები და დიპლომები გადასცეს, ხოლო ჰაიასტან ისპირიანს სპეციალური საჩუქარი — სიმბოლური კუბი — გადაეცა.
ანსამბლის ხელმძღვანელმა ჰაიასტან ისპირიანმა წარმატების შემდეგ თქვა, რომ ანსამბლი საქართველოში ყოველთვის თბილი მიღებით სარგებლობს:
„სადაც არ უნდა მივიღოთ მონაწილეობა, ყოველთვის დიდი სიყვარულით და მხარდაჭერით წარმოგვაჩენენ. სიმღერა დიდ შრომას მოითხოვს და ამისთვის ბევრ მუშაობაა საჭირო. მადლობა მინდა გადავუხადო იმ ბავშვებს, რომლებიც დაუღალავად შრომობენ წარმატებისთვის. ასევე დიდ მადლობას ვუხდი მათ მშობლებს და ყველას — დიდს თუ პატარას — ვინც ჩვენი ანსამბლის გვერდით დგას.“
ჰაიასტან ისპირიანის ხელმძღვანელობით ანსამბლი „საიათ-ნოვა“ აქტიურად მონაწილეობს ადგილობრივ და საერთაშორისო ფესტივალებსა და კონცერტებში როგორც საქართველოში და სომხეთში, ისე ევროპის სხვადასხვა ქვეყანაში. ისინი ასრულებენ ქართულ და სომხურ სახალხო სიმღერებს, რითაც ხელს უწყობენ ორივე კულტურის დაცვასა და განვითარებას.
ნინოწმინდის მუნიციპალიტეტში სომხური ტრადიციული სიმღერის განვითარება საგრძნობლად პროგრესირებს და მსგავს წარმატებებს კიდევ უფრო მეტად ზრდის კულტურული გაცვლისა და თანამშრომლობის შესაძლებლობებს.
იხილეთ აუდიმოსალა „საიათ-ნოვას“ხელმძღვანელი ჰაიასტან ისპირიანი.
