გორელოვკის სოფლის თემის მოსახლეობა კავშირისა და ინტერნეტის გარეშე დარჩა — მობილური ოპერატორი Cellfie (ბილაინი) დროებით მიუწვდომელია. მომხმარებლები ჩივიან, რომ შეზღუდულია ზარების განხორციელება და მობილური ინტერნეტის გამოყენება.
Cellfie-ის ცხელ ხაზზე განაცხადეს, რომ გორელოვკის მიმართულებით დაფიქსირდა სადგურის დაზიანება და ამ დროისთვის მიმდინარეობს აღდგენითი სამუშაოები. კავშირის აღდგენის ზუსტი ვადები ჯერ უცნობია, თუმცა, შესაძლებელია, რომ სერვისი დღესვე, საღამოს აღდგეს. ზოგიერთ ნომერზე სიგნალის მიღება ნაწილობრივ შენარჩუნებულია, თუმცა არასტაბილურია. ოპერატორი Cellfie მომხმარებლებს ბოდიშს უხდის შექმნილი დისკომფორტისთვის.
