ნინოწმინდის კულტურის ცენტრის ეზოში დაზიანებულია პრემიერ-მინისტრ ირაკლი ღარიბაშვილის მიერ ინიცირებული მასშტაბური სახელმწიფო პროგრამის „განახლებული რეგიონების“ ფარგლებში სულ რამდენიმე წლის წინ დამონტაჟებული სკვერის სკამები . რეკონსტრუქცია, რომელიც 2021 წელს დასრულდა, მოიცავდა წმინდა ქართლოსის პარკის, ცენტრალური პარკის, თავად კულტურის ცენტრის ეზოს კეთილმოწყობას და ქალაქის შადრევნის რემონტს.
ბოლო დროს ჩატარებული რემონტის მიუხედავად, სკამების ნაწილი დღეს ცუდ მდგომარეობაშია. ზოგიერთს აქერცლილი საღებავი აქვს, ზოგს კი ჟანგი და დაზიანებული ხის დაფები. მაცხოვრებლები ჩივიან, რომ ასეთ სკამებზე ჯდომა უბრალოდ საშიშია – არსებობს ტანსაცმლის დაზიანების ან ტრავმის მიღების რისკი.
ნინოწმინდის მუნიციპალიტეტის ინფრასტრუქტურის განყოფილების უფროსისგან, არმენ ბდოიანისგან კომენტარის მიღება ვცადეთ, თუმცა მასთან დაკავშირების ყველა მცდელობა უშედეგო აღმოჩნდა: რედაქციის ნომრებიდან ზარები დაბლოკა.
