ნინოწმინდის მუნიციპალიტეტის სოფელ გორელოვკაში, ორლოვკაში, სათხეში, განძანში, თორიასა და ფოკაში მსხვილფეხა საქონელში ავადმყოფობის შემთხვევები დაფიქსირდა.
ორლოვკის მოსახლეობის თქმით, ეპიდემიის დასაწყისში სიტუაცია განსაკუთრებით მძიმე იყო — დაავადებამ დიდი რაოდენობით ძროხა მოიცვა. ამჟამად, ადგილობრივების განცხადებით, მდგომარეობა ნაწილობრივ სტაბილური გახდა, თუმცა პრობლემა კვლავ აქტუალურია.
გორელოვკაში სიტუაცია კვლავ რთულია. ცხოველები აგრძელებენ ავადმყოფობას, და ამ პერიოდში ვეტერინარების რეკომენდაციით, აკრძალულია ინფიცირებული საქონლის, რძის პროდუქტებისა და ხორცის გამოყენება.
„ჩვენ ძროხებს სახლში ვამკურნალებთ, რათა ავადმყოფობის მიმდინარეობა შეგვიმსუბუქდეს. მაგრამ თურქულ (დაავადებას) თავისი ინკუბაციური პერიოდი აქვს, რომელიც უნდა გავიდეს. ჩვენ მხოლოდ სიმპტომები შეგვიძლია შევუმსუბუქოთ“, —აღნიშნა ერთ-ერთმა ფერმერმა და დაამატა, რომ დაავადებული საქონელი ცალ-ცალკე არ გაყავთ, რადგან აზრი არ აქვს — ეს ისეთი დაავადებაა, რომლის გადატანა ყველა ძროხას უწევს. რაც შეეხება რძეს, დაავადების პერიოდში საქონელს პრაქტიკულად რძე არ აქვს.
მოსახლეობის თქმით, 10 ძროხიდან 10 უკვე ავადმყოფია, თუმცა მსგავსი სიტუაცია მუნიციპალიტეტის ყველა სოფელში არ არის. სოფლებში სპასოვკა, სამება, ჟდანოვაკანი და ეფრემოვკა დაავადების შემთხვევები ამ ეტაპზე არ დაფიქსირებულა.
